അപകടമായതെന്തോ അടുത്തുതന്നെ വരാനിരിക്കുന്നു എന്ന പ്രതീതിയാണ് തലസ്ഥാന നഗരത്തിലെ ഓരോ നിമിഷവും നല്കുന്നത് … രണ്ടു ഹെലികൊപ്റ്ററുകൾ അടുപ്പിച്ചു ഇടക്കിടെ വട്ടമിട്ടു പറന്നു കൊണ്ടിരിക്കുന്നത് ഏതു നിമിഷവും ഒരു യുദ്ധം പ്രതീക്ഷിക്കാം എന്നൊരു തോന്നലും ഉണ്ടാക്കുന്നുണ്ട് …
പ്രധാന കവലകളിൽ ഇരുപതും ഇരുപത്തന്ജും കാക്കിയിട്ട പോലീസുകാർ .. നഗര കവാടത്തിലേക്കുള്ള മൂന്നിൽ രണ്ടു ഭാഗം റോഡുകളും ബാരിക്കേഡുകൾ കൊണ്ട് അടച്ചിട്ടിരിക്കുന്നു … അതറിയാതെ അവിടെ എത്തിയ ഇരുചക്ര വാഹനങ്ങളിലെ ചിലർ ഒരു ബാരിക്കെടിനിടയിലൂടെ സ്ഥലം ഉണ്ടാക്കി നൂണ് പോകുന്ന കാഴ്ച കൌതുകത്തോടെ നോക്കി നിൽക്കുന്ന പോലീസുകാരാൽ സമൃദ്ധമാണ് ചിലയിടങ്ങൾ …
തിരുവനന്തപുരത്തെ ഹൃദയ ഭാഗത്തോട് ചേർന്നുള്ള ഒട്ടു മിക്ക കടകളും അടഞ്ഞു തന്നെ കിടക്കുന്നുണ്ട് ..ഏതാനം ചില ഹോട്ടെലുകൾ മാത്രം തുറന്നിരിക്കുന്നു … ഒട്ടുമിക്ക തലസ്ഥാന വാസികളും ഒരു ഹർത്താലിന്റെ ആലസ്യത്തിലാണ് … പാളയം തൊട്ട് അങ്ങ് അരിസ്ടോ ജങ്ക്ഷനും കഴിഞ്ഞു ആയുർവേദ കോളേജ് വരെ തലയിൽ ചുവപ്പ് തൊപ്പിയണിഞ്ഞ ഇടതുപാർട്ടി അനുഭാവികളാൽ സമ്പന്നമാണ് … കേരളത്തിലെ തെക്ക് തൊട്ട് വടക്ക് നിന്ന് വരെ വന്നവർ മുഴുവനുണ്ട്‌ … കൂടുതലും കോഴിക്കോട് , കണ്ണൂർ പാലക്കാട്‌ നിന്ന് വന്നവർ .. രാവിലെ ഉപ്പുമാവും രണ്ടു ചെറുപഴവും ചൂട് വെള്ളവും ആയിരുന്നു ഭക്ഷണം ഉച്ചക്ക് ചോറും സാമ്പാറും അവിയലും തോരനുമാണ് എന്ന് പറഞ്ഞു കേട്ടു .. പതിനാറു സ്ഥലങ്ങളില ഭക്ഷണ വിതരണം ഉണ്ട് .. നല്ല തിരക്ക് കാരണം ആ ഭാഗത്തേക്ക്‌ പോയില്ല .. രാത്രി കഞ്ഞിയും പുഴുക്കുമാണ് എന്നും കേട്ടു .. നാളെ കൂട്ടുകറിയാണ് താരം എന്നാണ് പ്രവർത്തകർ ചിലർ പറഞ്ഞത് .. നാളെ നേരത്തെ എത്തണം എന്ന് മനസ്സിൽ ഓർത്തപ്പോഴേക്കും ചിലർ പറഞ്ഞു , കാസർക്കോട് നിന്നും പാലക്കാട്‌ നിന്നും കുറച്ചു പേര് കൂടെ വരുന്നുണ്ട് എന്ന് …
ഇടക്ക് മഴ ഒന്ന് വന്നു പോയതോഴിച്ചാൽ നല്ല കുളിർമ്മയുള്ള തെളിഞ്ഞ കാലാവസ്ഥ … ഒരുപാട് പേരുടെ കയ്യിൽ മുഖ്യൻ ഉമ്മൻ ചാണ്ടിയും , സരിതയും കാതോടു കാത്തു ചേർന്ന് നിൽക്കുന്ന വലിയ പോസ്റ്ററുകൾ …
യുഎൻ അവാര്ഡ് കൊടുത്ത ആരെങ്കിലും കണ്ടാൽ ജന്മ നാട്ടിൽ മുഖ്യന് നല്കുന്ന സ്വീകരണം അതി ഭയങ്കരം എന്ന് പറഞ്ഞു പോകും …എല്ലാവരിൽ നിന്നും ഉയരുന്നത് ഒന്ന് മാത്രം മുഖ്യൻ രാജി വെക്കുക ..
എണ്ണം കൃത്യമായി പറയാൻ കഴിയില്ലെങ്കിലും ഇരുപതയ്യായിരത്തോളം വരുമെന്ന് തോന്നുന്നു .. ഇനിയും ചിലർ അടുത്ത് തന്നെ വരാനുണ്ട് എന്നാണ് പ്രതീക്ഷയോടെ ചില പ്രവർത്തകർ പറഞ്ഞത് …
പോലീസുകാരുടെ മുഖത്തും നേരിയ പരിഭ്രമത്തിന്റെ ലാഞ്ചന പോലുമില്ല … ആയിരത്തിലതികം പട്ടാളക്കാർ ഉണ്ടെന്നു കേട്ടെങ്കിലും അവർ വഴിയരികിൽ ഇല്ല .. റിസർവ് ആയി വെച്ചിരിക്കുകയാനത്രെ
പോലീസുകാരിൽ ചിലരുടെ ലീവ് കാൻസൽ ചെയ്യിപ്പിച്ചുപോലും എത്തിച്ചിട്ടുണ്ട് എന്നാണ് ഒരു പോലീസ് സുഹൃത്ത്‌ പറഞ്ഞത് …
പ്രവർത്തകർക്ക് ഭക്ഷണത്തിനുള്ള വകകളൊക്കെ അടുത്തുള്ള ചാല മാർക്കറ്റിൽ നിന്നും ഒരുപാട് പാർട്ടി പ്രവർത്തകരുടെ പക്കൽ നിന്നും സങ്കടിപ്പിച്ചതാണ് എന്നാണ് അറിയാൻ കഴിഞ്ഞത് …
“വന്നു ചോദിച്ചാൽ കൊടുത്തല്ലേ പറ്റൂ , ഇനിയും ഇവിടെയൊക്കെ ജീവിച്ചുപോണ്ടേ എന്നാണ് ഒരു പലചരക്കു കടക്കാരൻ പറഞ്ഞത് ”
ഒരാഴ്ച കഴിയാനുള്ള വസ്ത്രങ്ങളുമായാണ് കുറെയതികം പ്രവർത്തകരും എത്തിയിരിക്കുന്നത് .. നാളെ സമരം കൂടുതൽ പ്രക്ഷുബ്ധമായെക്കം എന്നാണ് ചില പ്രവർത്തകർ പറയുന്നത് … കസേര തെറിപ്പിചിട്ടെ നാട്ടിലെക്കുള്ളൂ എന്നാണ് ജന സംസാരം …
സരിതയെന്ന സ്ത്രീ സ്വപ്നത്തിൽ പോലും ചിന്തിച്ചിരിക്കാൻ ഇടയില്ല ഇതൊന്നും .. ആയിരക്കണക്കിന് പ്രവർത്തകർ ഇവിടെ എത്താൻ ചിലവഴിച്ച പൈസ , പട്ടാളം ഇറക്കാൻ വേണ്ടി ചിലവാക്കപ്പെട്ട കാശ് , പ്രവർത്തകർക്ക് ഉണ്ടും ഉറങ്ങിയും പോകാൻ ചിലവഴിക്കാൻ പോകുന്നവ , കടകൾ അടഞ്ഞത് കൊണ്ടുള്ള വ്യപാരികളുടെ നഷ്ടം , സർക്കാർ/ ഇതര സ്ഥാപനങ്ങൾ അടഞ്ഞതുകൊണ്ടുള്ള നഷ്ടം , പ്രവർത്തകരുടെ ജോലി സമയ നഷ്ടം എന്നിവയെല്ലാം നോക്കിയാൽ ഒരു പക്ഷെ ഈ സോളാര്‍ തട്ടിപ്പുമായി ബന്ധപ്പെട്ട് കിട്ടിയതിലതികം പണം അതിന്റെ പേരിൽ ചിലവഴിക്കപ്പെട്ടിരിക്കുന്നു .. അമ്പതിലതികം കോടി രൂപ 🙁 ചാനലുകാർക്ക് കഴിഞ്ഞ ഒന്നരമാസമായി കിട്ടിയ ചാകരയായിരുന്നു ഇത് .. ഒടുക്കം ആർക്കാനിതിൽ ലാഭം എന്നത് നമ്മൾ ഓരോരുത്തരും ഓർത്തു നോക്കേണ്ട ഒന്നാണ് .. പഴയ ചില വരികൾ ഓർമ്മ വരുന്നു …
കനകം മൂലം കാമിനി മൂലം കലഹം പലവിധമുലകിൽ സുലഭം
റോഡുകൾ രാപ്പകൽ സമരത്തിന്റെ പേരിൽ ഹർത്താൽ സമാനമായ അന്തരീക്ഷം സ്രിഷ്ടിച്ചതുകൊണ്ട് ജോലിക്ക് എത്താൻ പത്തു മിനിട്ട് വൈകി , സൊറി എന്ന് ടൈപ്പ് ചെയ്തു അങ്ങേ തലക്കൽ ഇരിക്കുന്ന സായിപ്പിനെ അറിയിച്ചപ്പോൾ തിരിച്ചൊരു ചോദ്യം …
Harthal ? wtf is that
എന്ത് പറയണം എങ്ങനെ പറയണം എന്നൊന്നും അറിയില്ല
its its …. its complicated .. എന്ന് പറഞ്ഞു മനസ്സിൽ അവന്റെ അച്ഛന് വിളിച്ചു ചിരിയോടെ കേറുമ്പോൾ ഒന്നുണ്ട് … തലസ്ഥാനം കണ്ടത്തിൽ വെച്ചേറ്റവും അച്ചടക്കമുള്ള വലിയൊരു ജന പങ്കാളിത്തതോടെയാണ് രാപ്പകൽ സമരത്തിന്റെ ആദ്യ ദിനം അവസാനിക്കുന്നത് .. നാളെ എന്തും സംഭവിച്ചേക്കാം
© 2013, sajithph. All rights reserved.
Copyright secured by Digiprove © 2013 Sajith ph 
